Dalam rangka wabah virus covid-19 (corona) ibadah sekolah minggu bisa di saksikan di chanel youtube gkps batu aji dengan nama chanel gkpsbatuaji98. Atau bisa di ikuti agar mengetahui update video2 ibadah gkps batu aji dengan klik link dibawah ini https://www.youtube.com/channel/UCyWeJwAJBkTSDAcknU49a5w
diatei tupa Tuhan na mamasu2.
HORASSS

LOGO TAHUN DIAKONIA GKPS 2017

Kamis Putih

BUKU ACARA

IBADAH KAMIS PUTIH

“Jesus Mamurihi Nahei Ni Susian”

TANGGAL 13 APRIL 2017

DISTRIK VI

Dob ai nini Jesus ma hubani: Halak na dob pinaridi, seng pala burihan be (sobali naheini), ai domma borsih ia ganupan. Na dob borsih do hanima, tapi seng haganup.

Ai ibotoh do, na sihol mantahihonsi, halani ai do, ase ihatahon: Seng haganup hanima borsih!

Ase, dob iburihi Jesus nahei ni sidea, ipakei ma use baju ganjangni, hundul ma Ia, lanjar nini ma bani sidea: Ai iarusi hanima do na hubahen in bennima?

Igoran hanima do Ahu Guru anjaha Tuhan, anjaha sintong do pangkatahonnima in, ai in do Ahu tongon.

Ase anggo Tuhan anjaha Gurunima mamurihi naheinima, patut ma age hanima marsiburihan nahei!

Ai sitiruon do hubere bannima, ase ibahen hanima songon na hubahen in bennima. Na sintong tumang do na huhatahon on bannima: Seng banggalan juak-juak marimbang tuanni, anjaha seng banggalan na sinuruh marimbang na marsuruhsi.

Anggo ibotoh hanima ma in, martuah ma hanima na mangkorjahonsi.

       2.    Jesaya 1 : 16 – 18. Maridi ma hanima, manguras ma hanima!  

              Padaoh hanima ma hajahatonnima hun lobei ni matangku;

              parontihon hanima mangkorjahon na masambor!

Parlajari mambahen na madear, pindahi habonaron, urupi halak na hona tokoh, ondingi halak na tading maetek, apiti naboru na mabalu!  Roh ma hanima, ase marturiak hita, nini Jahowa. Age pe gerger dousanima songon bunga ni dapdap lopak do bahenonku ai songon salju, age pe gerger songon hiou hasumba, putih do bahenonku ai songon kapas.

Pembasuhan Kaki ( jika dimungkinkan sesuai konteks gereja masing-masing).

(Ipasirsir ma baskom marisi bah ampa handuk anjaha anggo boi perkeluarga ma parhundulni anjaha pembasuhan kaki ipungkah humbani orang tua hubani niombah anjaha iiringi musik instrumental lagu  Hal No 238. Anjaha dob salosei haganup hundul bani posisi semula )

2.  MANDODING HAL NO : 354 : 1, 2

1). Hita ganupan pardousa roh ma bai Tuhanta in

      Daroh-Ni in do manasap ganupan dousanta in

      Roh ma podas hita ganup, ai bai Tuhanta sirsir do ganup

      Sai ipaima do hita, pasonangon-Ni ganup

2. Age gok dousa pe hita, ijalo Jesus do in

     Holong atei-Ni tumang do, ase talup hita on

     Roh ma podas hita ganup, ai bai Tuhanta sirsir do ganup

     Sai ipaima do hita, pasonangon-Ni ganup

3. NARATOR II

Hita haganupan, tontu isadari hita do bahwa goluh ta on na gok dosa i lobei ni Naibata age dompak hasoman jolma. Patut ma sonari roh hita hubani Tuhan in, mansopotkon haganup hahurangan ta in. Age pe gerger do dosanta songon kain hasumba, tapi ibagas holongNi in ipaputih do hita songon hapas. Ase sonaha do ijia Naibata Jahowa pasaudkon ai bani bangsa Ni in ?

4. LITURGI I :  2 MUSA 12 : 1 – 8

1.        Dob ai nini Jahowa ma dompak si Musa pakon si Aron i tanoh Masir:

2.       Bulan on ma gabe parmulaan ni bulan bannima, bulan sada ni tahun ma in bannima. (bd. 13:4.)

3.       Hatahon hanima ma hubani ganup tumpuan ni Israel sonon: Bani ari sapuluh bulan on ganup ma hanima mambuat sada anak ni biri-biri, marguru hubani buei ni tangga ni sidea marsasaompung, sada biri-biri ganup tangga.

4.      Tapi anggo maotiktu sada tangga, gabe seng tarboiskonsi sada anak ni biri-biri, ibuat ma ai rap pakon halak romban rumahni marguru hubani buei ni jolma; marguru na tarboiskon ganup ma agakonmu anak ni biri-biri ai.

5.       Seng martikas, tunggal anjaha marumur satahun do anak ni biri-biri ai; maningon humbani biri-biri atap humbani hambing do buatonnima ai. (3 Mus. 22:20.)

6.       Anjaha maningon pasirsironnima ma ai das bani ari sapuluh ompat bulan on, dob ai sayaton ni ganup tumpuan ni Israel ma ai malele bod.

7.       Dob ai maningon buaton ni sidea ma humbani daroh ai, anjaha daiskononni ma ai hubani pasihon na dua ai pakon hubani tohang ni rumah parmanganan ni sidea ai.

8.       Anjaha maningon panganon ni sidea ma bornginni ai na pinanggang hubani apuy; maningon panganon ni sidea ma ai rap pakon ruti na so niigaran ampa lowoh na mapaet.

 5. MANDODING HAL NO : 354 : 1, 2

1). Humbai hurungan ni dousakin, roh au Bamu, roh au Bamu

      Hu haluahon bai daroh-MU, Jesus, au roh Bamu

      Ganup uhurhu malum hape, gabe bayak ‘ge masombuh pe

      Humbai dousangku, roh au Bamu, Jesus au roh Bamu

2. Maila au butak uhurhin, roh au Bamu, roh au Bamu

     Gabe borsih ma ‘ge uhurhin, Jesus, au roh Bamu

     Humbai holsohku bai sonang-Mu, humbai doyukku bai damei-Mu

     Humbai horungku bai holong-Mu, Jesus, au roh Bamu

6. NARATOR III

Hita haganupan na hinarga ni Tuhan. Borngin onpe, maningon tangkas do homa hubanta, pasal Holong ni Tuhan in na dob manramotkon hita. Lang adong holong sibanggalan  sobali holong ni Tuhan in na manghopkop hita. Daroh do gabe tobus ni dosanta ase maluah hita humbani dosanta in. Ase sonaha do partobuson ai ipatupa Naibata ?

7. LITURGI II : 2 MUSA 12 : 11 – 14

1.        Sonon ma sibahenonnima laho mangankon ai: Margondit ma binongeinima, naheinima marsipatu, tungkotnima ibagas tangannima; mangolos ma hanima mangankon ai, ai Paska ni Jahowa do ai. (Jes. 52:12.)

2.       Ai bontasonku ma bani na saborngin ai tanoh Masir, anjaha bunuhonku ma ganup bunga tubuh ni tanoh Masir, humbani jolma das hubani pinahan; anjaha dabuhonku ma uhum hubani ganup naibata ni Masir: Ahu do Jahowa. (4 Mus. 33:4.)

3.       Daroh ai ma partandaan bannima i rumah na niiankonnima; anggo huidah daroh ai laosanku ma hanima, seng sogop be bannima uhum hamagouan, sanggah na hubogbogi ai Masir.

4.      Ari pardingatan ma ari on bannima, bosarhon hanima ma on bani Jahowa, gabe tonah sisadokah-dokahni ma on bani ginomparnima, sibosarhononnima.

8. MANDODING HAL NO : 309 : 1, 2

1). Au sol dohor Bamu Ham Naibata    ‘Ge pe manaron au hu porsan ma

     Mandoding do au on mamuji Ham tongtong, Lambin dohor Bamu dohor Bamu

2. Bai pardalanankin bod ari in, ‘ge bai na golap in pos uhurhin

Sanggah mardalan au ulang tadingkon au, ase dohor Bamu, dohor Bamu

9. NARATOR IV

Nasiam hasoman, porini pe dong hinadonganta, porini pe dong kuasanta, lang adong na boi paluahkon hita humbani dosa ampa hamateianta in. Maningon do Jesus na gabe gantihta bani dosa in. Ibere do darohni ampa dagingni bahen tobusni dosanta ai. Ase sonaha ma napatut bahenon bani holong Ni in ?

10. LITURGI IV : 1 KORINT 11 : 23 - 26

1.        Ai na hujalo humbani Tuhan, ai do hupadas bani nasiam: Ia Tuhan Jesus, bani borngin sanggah hona partahian Ia, ibuat ma ruti,(Mat. 26.36-38; Mrk. 11:22-24; Lah. 22:19-20.)

2.       ihatahon ma tarima kasih, ipartopik, anjaha ihatahon ma: Dagingku do on, na mangkopkop nasiam. Bahen nasiam ma sonin, gabe pardingatan Bangku!

3.       Lanjar sonai do homa panginuman ai dob salpu na mangan ai, nini: Ia panginuman on, padan na baru ma on ibagas darohku. Bahen nasiam ma sonin, gabe pardingatan Bangku, ganup hali iinum nasiam in.

4.      Ai ganup hali ipangan nasiam ruti na sonin, anjaha iinum nasiam humbani panginuman in, parmatei ni Tuhan in do iambilankon nasiam, ronsi roh Ia. (Mat. 26:29.)

11. MANDODING HAL NO 343 : 1, 2, 4

1. Banggal tumang do holong-Mu, pabayu goluhkon

     Nadoyuk kahou magou ahu, hape maluah do

2. Dob hutandai diringkin, megah ma uhurhin

     Salosei hape utangkin, ibahen layak ni in

4. Hujolom padan na toguh, in ma Hata-Ni in

    Ai Tuhan in do gogohkin, na hot sadokah niin

12. NARATOR V

Domma talar holong ni Tuhan in banta, anjaha siholma homa bahenonta hataridahan ni balosta dompak holong Ni in, marhitei na sirsir hita marsihaholongan. Ia do nagabe usihan banta pasal holong in, 

Na sihol patuduhonta in bani hasomanta jolma. Halani ai sihol do ibahen hita marsiburihan nahei ma hita tanda ni riap martoruhni uhur ampa marsisasapan dosa, ase pansing anjaha talar ma holong ni Tuhan in marhiteihon hita.

13. LITURGI V  : JOHANES 13 (jenges anggo boi ipragmenhon)

1.        Paima pesta Paska ai, dob ibotoh Jesus, na roh ma panorangni manadingkon dunia on, laho marayak Bapa in, ipataridahkon ma holongni ronsi ujungni na dong Bani i dunia on, songon pangkaholongini hinan bani sidea.Sanggah na mangan ai sidea, domma isuanhon sibolis in partahi-tahian hubagas uhur ni si Judas Iskariot, anak ni si Simon. Halani ibotoh Jesus do, na dob iondoskon Bapa in haganup hubagas tanganni, Ia roh humbani Naibata anjaha mulak ma hubani Naibata, gabe jongjong ma Ia humbani na mangan ai, itanggali ma baju ganjang ni, ibuat ma basahan lanjar igonditkon ma.

Dob ai iuseihon ma bah hu sambung, iburihi ma nahei ni

susianni ai, anjaha iapusi ma ai merhitei basahan na ginonditkonni ai. Das ma Ia hubani si Simon Petrus, jadi nini si Petrus ma hu-Bani: Mintor Ham ma Tuhan mamurihi naheihu?

Nini Jesus ma mambalosisi: Seng iarusi ho nuan na hubahen on,

tapi arusanmu do ai use.

Nini si Petrus ma hubani: Lalap ma lang bulih Ham mamburihi naheihu. Nini Jesus ma mambalosisi: Anggo seng huburihi ho, seng parrupei ho Bangku.Nini si Simon Petrus ma: Tuhan, ulang ma pitah naheihu, dihut ma tangan pakon ulungku!                Ham Tuhan Jesus Sipaluah ampa sihopkop hanami. Domma manaron Ham halani hahurangan ampa hagalekon nami jolma pardosa on. Paahapkon Ham ma hubagas uhur nami ganupan, na harga do hanami i lobeiMu. Rajai Ham ma hanami ase sintong parsombahon nami on hu Bamu. Marhiteihon ai lambin margogoh hanami laho mandompakhon bagei-bagei ni parlajouan ampa sitaronon sadokah i dunia on ope hanami. Amen.

 14. TONGGO PANGAPITION

15. MANDODING HAL NO 251 : 1, 3

1. Sonang do uhurhu ibaen Jesuskin, boritpe hu taron ijon

    Tenger do uhurhu bai Tuhanta in, ipasonang tongtong uhurhon

    Sonang do, sonang do, ipasonang tongtong uhurhon

3. Iporsan Tuhanku ganup dousangkin bai silang-Ni in do ibaen

   ‘Ge sada na so jujuron-Ni be in, na martuah tonduyhu ibaen

    Sonang do, sonang do, ipasonang tongtong uhurhon

16. AMBILAN  : JOHANES 13 : 4 – 10.

17. MANDODING HAL NO  340 1, 2, 4 ( MANGGALANG)

1. Huondoskon bani Jesus haganupan diringkon

    Ia do pasangaponku sadokah bai goluhkon

    Huondoskon ma, huondoskon ma

    Bani Jesus Sipaluah, huondoskon ma

2. Huondoskon bani Jesus haganupan goluhkon

    Hutadingkon ganup dousa, huihutkon Tuhan in

    Huondoskon ma, huondoskon ma...dst

4. Huondoskon bani Jesus haganupan diringkon

     Holong pakon kuasa-Ni, in ma manramotkon au

    Huondoskon ma, huondoskon ma .... dst

18. TONGGO PANUTUP – PASU-PASU.

Selamat Kamis Putih.  Marsisalaman !

Cat: Acara dapat di kembangkan sesuai konteks kuriani bei.

Kamis Putih adalah hari Kamis sebelum Paskah, pada Hari Raya Pekan Suci ini umat Katolik mempunyai  tradisi memperingati Perjamuan Malam terakhir yang dipimpin oleh Yesus. Hari ini adalah salah satu hari terpenting dalam kalender Gereja.

 Ini adalah hari pertama dari hari raya Paskah, yang dimulai pada pukul 6 sore, dan berlangsung 7 hari. Hari Kamis Putih ini juga disebut Kamis Suci.(bahasa Inggris: Holy Thursday).
Perintah untuk melakukan pembasuhan kaki ini hanya terdapat dalam Injil Yohanes dan tidak terdapat dalam Injil sinoptik (Matius, Markus, dan Lukas) lainnya.

Kaki adalah bagian yang kotor dalam tubuh manusia. Kaki manusia menginjak debu tanah. Pembasuhan merupakan sebuah bentuk dari simbolisasi tata gerak. Kegiatan membasuh kaki adalah hal yang sudah biasa dilakukan oleh orang Yahudi pada zaman Yesus.