TATA IBADAH MINGGU PESTA BAPA GKPS TAHUN 2016

TATA IBADAH MINGGU PESTA BAPA GKPS TAHUN 2016

Minggu, 06 November 2016

I. PERSIAPAN

  *  Saat Teduh Pribadi

  *  Barisan Prosesi Masuk hu Gareja (Sipangidangi, Pinpinan Majelis Jemaat,Pengurus Seksi Bapa Jemaat/Resort)

       Singer Mandodingkon  Haleluya No.417:1,2+4 “Marhata Giring Giring Bapa”

  *  Salam Pamukkah

P.   Ipestahon Hita do Sadarion Minggu Pesta Seksi Bapa GKPS pa-21 taunkon.Bani panorang on

    Iparatah do use hubatta sonaha hajongjongan pakon peranan ni bapa ikeluarga,kuria sonai age masyarakat.

K.   Sai ipargogohi Tuhan Naibata ma ham, bapa

P.   Bapa aima malim itongah tongahni keluarga namambobai keluarga hubani harosuh ni Naibata; Bani

      ruhut ruhutni horja na madear ase goluhta on atur janah banjei.

K.   Sai ipargogohi Tuhan Jesus Kristus ma ham, bapa

P.   Naibata do na mandilo janah na manotapkon bapa gabe parugas Bani.Ia do homa namambohali  

      janah mampargogohi haganup Bapa GKPS ase marbaggal ibagas haporsayaon, pangarapan ampa

      holong.

K.  Sai ipargogohi Tonduy Napansing ma ham, bapa.

II. IBADAH

1. Votum – Introitus – Tonggo

P.  Riap ma hita jongjong!

     Ibagas  goranni Naibata Bapa, pakon Tuhan Jesus Kristus ampa Tonduy Napansing, sitompa langit

     pakon tanoh on. Amen.

     Ise do na boi tagkog hu dolog ni Jahowa? Ise do na boi jongjong bani ianan-Ni na pansing in?

     Partangan na borsih ampa paruhur na pitah, halak naso mandompakkon tonduyni  bani naso

     margagan, ampa halak na so ra marbija laho manipu. Ia ma namanjalo pasu-pasu humbani Jahowa

     pakon hapittoron humbani Naibata na paluahkonsi. Haleluya, Haleluya, Haleluya

K. (Mandodingkon) Haleluya, Haleluya, Haleluya

P. Martonggo ma hita

     Ham Tuhan Naibata, Paridopni uhur natarsulur. Tarima Kasih ma sombah nami hu Bamu halani

     ipatalup Ham do hanami roh nuan on marsombah hu lobei-Mu.Tonduy-Mu Na Pansing in ma na

     mampargogohi hanami laho mamuji janah pasangapkon  goran-Mu bani panorang on anjaha sai

     pargogohi Ham ma hanami laho mandalankon harosuh ni uhur Mu sadokah goluh nami itanoh on,

     marhitein  Jesus Kristus Sipaluah hanami. Amen.

2. Mandoding Haleluya No.406: 1-3”Hatahonanta Diatei Tupa ma”

3. Hasasapan Ni Dousa

    P.  Riap Ma Hita Jongjong!

          Martonggo Ma hita mansopotkon dousanta hubani Tuhan Naibata. Ham Tuhan Naibata Bapanami, maidop

          ma uhur-Mu bannami, romban hubani dear ni layak-Mu, sasap Ham ma panlanggaronnami  romban hubani   

          bueini idop ni uhur-Mu. Mangahap do hanami bani panlanggaronnami anjaha tongtong do sonson  i

          lobeinami dousanami. Ipabangkit ham do hanami laho manaksihon Ham bani goluhnami marhitei

          hajongjongannami  itongah-tongahni keluarga, kuria sonai age bai masyarakat laho makkobasho horja na

          madear. Tapi hurang ope pambahenan nami bani tugas pakon tanggungjawabnami domu hubani

          hajongjongannami bei.  Ham, Tuhan idop ma uhur-Mu bannami.

    K.   (Mandodingkon Haleluya No.356:1) Hita ganupan pardosa roh ma bai Tuhan ta in. Daroh-Ni in do

           manasap ganupan dousata in. Roh ma podas hita ganup, ai bai Tuhanta sirsir do ganup. Sai ipaima do hita,

           pasonangonni ganup.

    P.  Nini si Johannes Pandidi do pasal Jesus, “Anggo Ia, patutdo lambin banggal, tapi anggo ahu lambin etek ma.

          ”Gati do lang tarjadi on bani goluh nami halani gatinando hanami pabanggalhon diri nami itongah togahni  

          keluarga, kuria sonai age masyarakat. Gatinando hanami patugahkon pambahenan, hagogohon sonai ge

          sinadongan nami dompak hasoman marimbang pambahenan-Mu bani goluh nami hansi pe ibotoh hanami

          bahasa ganup goluh  nami na humbamu do in. Ham, Tuhan Idop ma uhurmu bannami.

    K.  (mandodingkon haleluya No.  353: 4)  Tarsor ho mardousa ibaen uhurmin, sai ulang nunuti,tundalhon ma in.   

          Dompakhon Tuhanmu, margogoh do in, manasap dousamu, pamalumhon in

    P.  Iauhon hanami do bahasa na pinilih-Mu do hanami on laho mangirikkon Ham. Sai urupi Hamma hanami ale  

         Tuhan agepe hurang ope pambahenan nami, ase goluh I rumah tangga, kuria sonai age masyarakat boi

          Lambin atur, banjei janah marbanggal ibagas haporsayaon, pangarapan ampa holong na humbani Anak-Mu,

          Jesus Kristus Raja ni Gareja in. Ham, Tuhan idop ma uhurmu bannami.

    K.  (mandodingkon haleluya No. 238:6) Mangirikkon Ham, Tuhanku sai ,malas do uhurhin; sai totap ma in

          padanku! Amen, saud ma hata in!

    P.  Tangar hita ma hatani Naibata bagah-bagah pasal hasasapan ni dousanta. “Anggo isopotkon hita dousanta,

          hatengeran ni uhur anjaha bonardo ia manasap dousata, ampa paborsih hita humbani haganup hagedukon”

          Hasangapon ma bani Naibata I babou!

    P+K.  Amen

4.  Mandoding Haleluya No. 149: 1-2 “Ham Sipagoluh Au”

5.  Manaksihon Hata Haporsayaon (Sarupa model A)

      P.      Riap ma hita jongjong!

               Saksihon Hita ma haporsayaonta in songon na sinaksihon ni haganup halak na porsaya bani sab tanoh on.

      P+J.  Ahu porsaya bani Naibata Bapa… Amen.

6.  Acara Khusus

v  Koor Seksi Bapa

v  Mambasa Puisi  (Ungkapan Bahasa Hati Bapak)

v  Mambasa Tonah Pinpinan Pusat GKPS

v  Mandodingkon MARS BAPA GKPS

v  Tonggo Pangapition

7.  Mandoding Haleluya No. 128: 1-4 “O Jesus na Pagoluh Au”

8.  Ambilan:  Lukas 20: 27-38

9.  Galangan  (Sasuai Pakon Agenda model A)

        P.  Paima ipatuppu hita galanganta, tangar hita ma lobei hatani Naibata na gabe onjolan banta laho

              manggalang, ai ma na tarsurat bani: 1 kronika 29: 14 “Ai ise Ma ahu, anjaha ahama bangsakin, ase

              boi hanami margugu humbani nionjar ni uhur sonin? Ai marharorohan humBamu do ganup, anjaha

              na humbani tangan-Mu in do na binerenami in Bamu”.

              Sonari patuppu hita ma galanganta!

10.  Tonggo panutup/ pangutusan/ Pasu-Pasu(Sesuai pakon Agenda)

III.   Acara Perayaan/Hiburan/Potong Kue Ulang Tahun Bapa pa 21 Tahun

IV.   Pertandingan Mamasang Gotong pakon Dasi

V.    Makan Bersama

VI.   Mulak Ibagas Dame

    

Selamat Minggu Pesta Bapa GKPS ma Hubatta,anjaha ihasomani Idopni uhurni Tuhan ma hita haganupan